2010/04/25

larawan sa kalinaw


ang kalinaw panaw
sa tubig sa ilalom sa
kakahoyan
daghan siyag
gilabyan
wala siya'y
gikahinabi
nagtinan-away lamang
wala'y gidapit nga
ikuyog sa iyang
padulngan
wala'y kisaw bisan
daghan siya'g nahibaw-an
bahin sa mga tuway
og saypo og sa mga
baki og siwil

tungod kay siya
mismo
hingpit.

No comments :

Post a Comment

Nindot ba? Unsay imong maikasulti?

Panginhas dire