ang atong uniberso
usa lang ka grano sa balas
sa baybayon
ako nga mibalak
unsa ako sa nahisama?
wala'y makadungog kanako
wala'y makaila wala'y makahibalo
nga ania ako dinhi
naglingkod atubangan sa computer
sud sa balay sud ning kalibotan
nga akong gipuy-an
ako nga mas gamay pa sa grano sa usa ka balas
unsa ako sa nahisama?
wala ako, wala ako sa mapa sa mga uniberso
og busa mibalak lang ko
kay wala gayod ako, wala gayod, wala.
No comments :
Post a Comment
Lami ba?