2015/01/04

wala seguro kaayo nako
masabti ang akong nakita

nagpanglingo ko
basig naa pa gihapon ang kasina

dili ko gustong masabtan
mo ako

ang larawan sa inyong pamilya
nga haskang bagaa na jud ninyo

ang lolo gakugos sa apo
unya ang laing apo gataral sa laing apo

daghang pagkaon og ilimnon sa lamesa
mabulukon ang inyong panaghugpong

apan sa kadugayang, masabtan ko ra
gihapon ang tanan

milabay lang ko, kamo ang magpabilin
daghan sab mog iyakan, og ilubong

unya kami, di na mangambat
nagpadayon mi sa pagpanaw

masabtan mo ra gihapon kini
kon wala na ang kasina

No comments :

Post a Comment

Nindot ba? Unsay imong maikasulti?

Panginhas dire