2015/01/30

sa dihang
nakasulod na sila
sa pultahan
nga bulawan
nakita nila nga
didto sa maong
lawak
usa lang ang
lingkorana
walay higdaaan
unya matag bongbong
nagtabisay ang
mga bintana sa taas
unya dapit sa ubos niini
nagsamparay na
usab ang daghang mga
gagmayng pultahan nga
mora bag ang
gipanulti mao:
usa lang ang
molingkod dinhi
walay matulog
kon dili ka
makalingkod duha
lang ang imong
kapaingnan: moambak ka sa bintana
o dili ba
mogawas ka gayod sa mga pultahan

sulayi og lantaw kon aduna bay hagdan
kay og wala
usa lang ang imong buhaton:
moambak ka gayod
aron dili ka
makaon ning lawak nga gutom

kadtong naglingkod mao
ang panihapon

Panginhas dire