kutay sa han-ay
ang kinamaayohan nga moburda
mao ang labing hilomon
pagkaanindot sa iyang mga buwak
nga gimugna sa iyang tanod
diha sa puting panapton
ang kinanindotan nga buwak
sa panapton mao ang gabuswak
nga gaduhaduha pa
sa kamatinud-anon sa adlaw
ang kinanindotan nga panapton
mao ang nabordahan og buwak
nga wala pa kaayo mobuswak
ug nahawiran sa kamot nga kanunay
matuslokan sa dagom
ang labing maayo nga kahilom
mao ang hapit na maburda diha
sa puting panapton nga wala pa
giluwa sa tilaok sa tanod
nga gihuktan pa sa dagom
No comments :
Post a Comment
Lami ba?