kakita pog pulapula

gikan sa lalom nga
dagat
didto ko naglutawlutaw

hangad sa adlaw
piyong piyong sa mata
kakita pog
pulapula

kampay sa kamot
sikad sa tiil
kaway sa tubig
hanoy nga ganoy
sa usa ka haploy
sa pinong balod
nga pilok sa
dagat

hangtod nga sa kalapoy
midapat ang tiil
sa batong  pilpil

padulong sa mabaw
tumaw sa balas
hapnig sa kum-ot
pahaluna sa tudlo
sulod sa purol
sa nauplot nga siklot