2015/06/01

kawad-on diha sa daghang kapilian

gibati na nako karon
ang Being and Nothingness
ni Sartre

gikan sa usa ka isla
sakay sa usa ka baroto nga walay katig
og walay layag
milawig ako palayo
gustong lantawon kon unsa ang 
unahan sa kapunawpunawan

wala pa ang unos
ania ako sa tungatunga sa lapad kaayong dagat
dinhing dapita
nagunitay na ang mga kamot sa langit og
asgad nga dagat

ako ang tawo
nga nangahas pagtubag sa pangutana
kon unsa ang
kawad-on diha sa daghang
kapilian

Panginhas dire