giwala ko ang tanang
kahadlok ug kabalaka
karon lamang ang akong
gikubtan, karon lamang ang
akong gilantaw, ang akong
gibati, karon lamang
mubo dili lapad, ubos dili habog
akong gihawiran, kamot sa kamot
dili kadtong talan-awon sa ibabaw
dili kadtong sa layo
labi na nga dili anino
kini, kini, ug kini lamang
tinood, init, buhi, nga morag isda
nga bag-ong kuha sa pasol
nagkisikisi pa sa akong palad.
No comments :
Post a Comment
Lami ba?