nagborda kita sa pulong
sugod lang kana
apan sa kadugayan dili
lamang ang pulong ang
atong giborda
giborda ta usab ang atong
panglantaw sa kinabuhi ug
sa uban
sa pag-abot sa kapuol human
sa tumang kalagsik
giborda na nato ang atong kinabuhi
kuyog na niini ang atong
kamatayon
human sa paglubong kanato sa
kalimot adunay bata nga nakasulod
sa lawak sa atong kinabuhi
makaplagan ang maong borda
nga puno sa abog
iya kining tayhopan sa iyang ginhawa
dayon makita na usab kita
sa tumang kaanindot sa atong kabatan-on
ug manamin siya niini arong usab kaplagon
ang iyang kaugalingon
No comments :
Post a Comment
Lami ba?