daghang laya nga mga dahon sa
mahogany
milabay ang kusog nga hangin
nangahulog ang daghang mga
dahon
baga na kaayo sila nga nagtapok
sa gauga nga yuta
gitara ang hangin nga gikutingting
sa nangahulog nga mga dahon nga
nagbalibali sa kahaw-ang hangtod nga
gihatod na kini silang tanan sa
tagsatagsa nila ka mga lubnganan
nindot pamation ang huni sa kahilom
musika sa kahaw-ang diha sa kahaw-ang
ang mga dalunggan sa kamingaw lamang
ang makadungog niining tanan
Ginoong maloloy-on dungga ang mga pangaleya
sa tanang kahaw-ang dungga ang ilang mga musika
ang ilang mga kalag nga nagbalibali sa taginting
sa kwerda nga hangin nga miawit sa kahilom.
No comments :
Post a Comment
Lami ba?