sa dihang namatay ang akong inahan
wala ko miiyak
sama ra usab sa pagkamatay sa akong
amahan
wa ko miiyak
ug nganong moiyak man jud ko anang mga
patay nga agsa buhi pa nagpunay mag tambag
kanako nga dili moayong iyakan ang mga patay?
ang mga kasakit, ang mga kapakyasan,
ang mga kapalpakan,
dili gyod kuno maayong iyakiyakan
kay para asa ra man god ang mga luha kondili alang lang kuno kini
sa kalipay sa kinabuhi?
igo lang akong nagtuman sa tambag sa mga
tang-an, sa mga tak-an, sa tanang mga nagpakaisog
aning kalibotan.
mando kini sa mga gamhanan
nga hagbay rang mitaliwan.
No comments :
Post a Comment
Lami ba?