alas otso kinse pa sa buntag
martes, ang among silingan nga gikan
sa chicago
nga bisag unsa na lay trabaho didto
hardinero, tubero, serbidor,
kubrador, driver,
(lover pod kuno)
mikanta nianang
nosibalasi
wala na usab sa tuno
yabag
kay ning sayo sa kabuntagon
hubog na kaayo
ang iyang asawa og duha ka anak
mibiya na kaniya
kay wala na siya'y kwarta
ugma patas-an nako og duha ka
hollow block nga dugang patong ang
among pader
basin unta og makuha niya ang
akong sumbingay
