tig lang

tig lang
ang tan-aw nimo sa imong kaugalingon
tigsag-ob og tubig sa banga nga naughan
tig-trapo sa mga lama sa banggera
tig-labay sa mga basura
tig-hulip sa mga nangagisi nga buyot
tig-tapak sa mga pagkulang
tig lang

gikan pa kaniadto
tig lang ang tan-aw nila kanimo
hangtod nga miabot ang tig nga dili na kapugngan

tigulang ka na
unsa pa'y imong gipaabot?
biyai sila,
lipaya na ang imong kaugalingon