2010/05/07



nalamat sa buluhaton
napriso sa iyang kaugalingon
diha sa iyang pagbinugtong
siya lang
nakighinabi sa tinood
og sa peke
busa molakaw na lang ako
mobiya
kay ang iyang kauban
mao na lamang ang
iyang masakiton
og sakit nga mga hunahuna
kadtong ngotngot
nga dili mawala
nagdala niya didto
sa pagduda sa walay
pagsalig sa bisan unsa
og bisan kinsa
og bisan kanus-a
busa molakaw na
lang ako
ang panahon migun-ob
sa iyang utok
ang pakigsandurot
usa na ka
langyaw
namatyan na usab
og laing anak

busa, bahala ka na
larga na ko.

1 comment :

  1. Anonymous5/10/2010

    matinud-anon nga balak, mihulagway sa kasamok
    sa kinabuhi sa tawo tungod sa iyang panghunahuna nga miunay sa iyang kinaiyahan nga kahilom :-)

    nakutaw na, nalubog na ang iyang kahilom...dili na tin-aw...og panan-aw...

    ReplyDelete

Nindot ba? Unsay imong maikasulti?

Panginhas dire