2010/05/16

unggoy

kadtong naghinakog ka
namakak nga wala na'y adobong manok
sa ref nga puno kaayog pagkaon
unya gigutom kaayo ang tawong
nanuktok sa imong pultahan
nga nangayo untag pagkaon
imong gibalibaran
kay nahurot na ang bulad
nga palotpot nga alang
sa mga katabang
og ang bahaw imo mang
gilabay kay maayo na lang
kunong ilawog sa imong
baboy

sa dihang nanamin ka
ang imong nawong
nahimong unggoy
nga nanghalab sa saging
nga bisag puno na kaayo ang
apapangig sige lang gihapon
og pangilog og saging alang
unta sa iyang mga kauban
nga wala pa makakaon
unya wala na nimo
nabati nga naa kay
kasingkasing og kon duna man
mora kini kagahi sa tugas
nga gihimong salog sa
inyong balay nga karaan

2 comments :

  1. Anonymous9/26/2011

    bisdak!!!!

    ReplyDelete
    Replies
    1. gaburot ang papangig sa unggoy, human og tan-aw og saging, manghatag na, ug mogwapo na ang tawo sa samin :-)

      Delete

Nindot ba? Unsay imong maikasulti?

Panginhas dire