2010/05/17

sa tinood lang
wala'y gisulti ang mga bato
kanako
kadtong akong gisugid nimo
gahapon
kabahin sa katig-a
sa ilang kasingkasing
og sa ilang kahilomon
og pagkawalaypakabana
kon naunsa na ang kalibotan
ako ako ra to
ganiha naglakaw ko
akong giagian sila
akong gilantaw pag-ayo
mikuha ko og usa
kanila
bato lang gyod gihapon
kon makatutok
mora bag
ako ang patay
og siya ang
buhi nga di kabalo
nga mamilok.

No comments :

Post a Comment

Nindot ba? Unsay imong maikasulti?

Panginhas dire