giingnan ko na ikaw
nga daan
nga kining tanang puros
mga mugna lamang
sa hunahuna
ang mga balak
sama sa usa ka lalaki
nga nagtabon sa
iyang ulo
anang asul nga
hanig
ayaw tan-awa ang iyang
mga mata nga
gitabonan
ayaw ukba ang dughan
nga nagbongbng
og kasingkasing
kay basin makita mo
ang mga bakak
nga tinood
kay basin og sa imong kalibog
makaingon ka
nga lisod nang
bulagon ang tipasi sa
puti kaayong lusok
sa humay
nga perlas sa lalom
kaayo nga dagat
naanad na ang kalibotanan
sa mga bakak
og dili na kini andam
sa hilom nga kamatooran
wala na kini kasinati
sa kagot
sa iyang kalipay
No comments :
Post a Comment
Lami ba?