sulayi daw palihog
og latay ang agianan sa
tambayawan
sida dili ba?
lisod kapyotan ang maong
laway gikan sa iyang
baba
nga giagian sa iyang walo
ka tiil
kon dili nimo mahimo
ang paglatay
kay hadlok ka nga mahulog
sulayi na lang og
sulat og balak
alang sa mga kaka
dayon ako ang mosulay og katkat
sa akong kaugalingong
laway
og kon mahimo ko na kini
seguro
undangon ko na usab ang
pagsulat sa akong
mga balak
mamati na lang ko sa mga
tamsi
lantawon ko na lang giunsa
pagkubit sa tikarol
sa usa ka haw-an
didto sa tin-aw nga sapa
kaniadto.
No comments :
Post a Comment
Lami ba?