kon mamad-an
ang sapa
mangamatay ang
mga isda
ang mga lumot
ang mga bato
mag-uga
ang mga balas
makigsanib sa abog

baho ang mga patay
nga mga isda
langto ang mga lumot
ang mga bato
init morag mga
baga
ang mga abog
paliron sa hangin
ang mga balas
hapdos unya sa
mga mata

dili ko sapa
dili ka isda
wa nato pangandoya
ang bato
makapaslot ang baga
kinsa ba'y ganahan
sa abog

apan kon kita
magpasagad na lamang
kining tanan
mangatuman