12/24/2014

ang kobra

ang akong hunahuna
naghimo og kobra
nga taas
unya mitindog sa akong
tupad
miloko
ug dayog katulog
dapit sa akong aping
samtang ako
natulog

kon maglihoklihok
ako
ingon sa akong damgo
paakon ako sa maong
halas

wala pay nabuhi
sa iyang napaakan
ug sa akong kahadlok
wa ako milihok

kadako sa akong
sayop
sa dihang gimugna ko
kining kobra
sa akong hunahuna nga
mao ra usay
mopatay kanako

natikig ako sa akong
kabuang

No comments :

Post a Comment

Lami ba?