2014/12/04

gahapon
manag-amiga tang
duha

miabot ang atong
panag-uyab
suod kaayo tang duha
sikit
pilit-pilit
lisod malangkat
ang pagkalambigit

abi natog dili
mausob

mora diay ug prosesyon
sa simbahan
mibalik man god ang
kagahapon

manag-amiga na usab
kita

dili na katol ang sagbot
dili na basa ang dalan
dili na gahi ang agianan
nagkalapok na man

balik tas balay
maghinumdom sa usa
ka sugilanon

No comments :

Post a Comment

Nindot ba? Unsay imong maikasulti?

Panginhas dire