kon mitaak ka pa unta sa yuta mabati mo unta ang kabugnaw sa mga luha

kusog na pod ang ulan
ning kabuntagon

kon wa ka pa unta makatulog
kagabii, mabati mo unta gihapon ang
kakusog gihapon sa ulan
nga wala'y undang

maayo man nimong hagok
nga mora ka mag giduyan pag-ayo
sa imong paghinanok

ingon ana ka man gayod
wala na mangilabot sa imong
palibot

sa imong tupad nga nanglagom
ang mga mata sa pagbilar
sa kahadlok kon unsay dangatan
ning kalibotan

kon mitaak ka pa unta sa yuta
mabati mo unta ang kabugnaw
sa mga luha