libro sa kinabuhi

kining tanan
kabahin lamang sa usa ka
pagpanugid

pakigsandurot sa kaugalingon
ila-ila
panaw padulong sa sulod
apan wala ang pagpanirado
sa pultahan

dalhon ang tanod sa kagahapon
subay sa mga lawak
nga pagkadaghan
hawid, aron kon mawala man
ugaling
makabalik lang gihapon kon
diin ka gikan

kining tanan kabahin sa usa
ka panaw
wa ka masayod kon asa ka
paingon
og kon kanus-a ka moabot

aron dili sakit kaayo
maghimo kag mga sugilanon
sa mga tawong dili kaayo nimo
sinati
sa mga panghitabo nga mora
pa gihapog mga panid sa usa ka
dakong libro
nga sigi nimong giukab
wa pod ka masayod kon unsa
gayod ang nilugdangan