nagyoga ko usa ka adlaw niana.

balika, nagyoga ko.
silong sa kahoy nga baliti
mora kog si buddha nga
gipandongan sa dakong liog
sa cobra

wa ko maulani.
sakto pa gihapon ang akong
kwentada, wa ko

nag-flu, piyong ang mata
gipangita nako ang akong
kaugalingon

unya miingon ang tingog,
kon makit-an mo,
ay, sayop ka, dapat dili mo
na makit-an kini

unta misagol na kini sa
hangin
sa dagat sa mga panganod

wala ka na.
kon wala ka na.
pwes,
hingpit ka na

mantra. mantra.
kigwa.