alang sa akong amiga nga miluba nako sa likod

daghan baya
tag mga tinubuan
ako sab, 

pantalon nga maong,
nga di na mag-abot
ang butunes sa uhales,
sapatos nga di
na masulod ang akong
tiil,
bakos nga di na
maghawid ang 
nga utlanan,
polo shirt nga mora
na kog
bodbud kabog

wala kawili kon
biyaan ko na kini
ingon ka
mas maayog ipanghatag
na lang
kaysa malata
sulod sa aparador

(sulod sa akong
dughan, ikaw usab
usa nila, apan
dili ko mabuhat
ang pagpanghatag

paaboton ko lang
ang imong
pagkalata sulod
sa akong kaban)