2016/10/23

usik

abi mo
wala na akoy pangandoy

ang naa sa sulod sa
akong dughan mao man
lang ang 
pagdawat nga puhon
mahuman na ang
tanan

sa pag-abot nianang
puntoha
ambot kon nakabantay ka

di na ta ganahan mosilhig
sa nataran
kadtong gitay-an nga kutsilyo
wala na nato gihandom
nga bairon pa

ang naputol nga sanga sa
kaimito
ato na man lang ganing
gipasagdan bisag
gababag kini sa dalan

kadtong mikuha sa mga
dahon
ug milimpyo sa mga sanga
apil na ang dalan
wala man pod gani 
gipasalamatan

mora kitag nayagyag nga
humay diha sa dalan
diha sa buslot nga sako
walay namunit unya sa dihang
giulan unya gibisibisan sa
paglabay sa panahon
bisag nanubo

walay nangutana kon nganong
nausik
walay naglaraw nga unta ibalhin
sa umahan
aron moapil sa pagpamunga

Panginhas dire