2016/10/19

sa usa ka panaw

pagkadako sa kalibotan
pagkalapad sa wanang

nganong anaa ka man
lang sa usa ka lawak
naghinuktok?

ang langgam didto sa
sanga sa bayabas
nga mitugdong kadyot
lang unya milupad lang
usab dayon paingon
sa lugar nga dili na nato
matultolan segurado ako
nga dili makasabot
kanato

abi mog ikaw na ang
anaa sa katarungan diha
sa lalom mong
hunahuna

basin nasayop ka lamang
palihog ablihi ang pultahan
ug ang bentana

batia ang hangin
sulayi ug simhot pag-usab
ang nahibiling balahibo
sa langgam

batia ang kagaan
ang kahayag ang
kalayo sa usa ka
panaw

Panginhas dire