10/23/2016

ang Sphinx

kapila na kaha ka higayon
nga anaa sulod sa damgo
naalirongan ka sa daghan
kaayong mga balay subay
sa likoliko nga agianan unya
dili ka na makabalik sa imong
gigikanan dili na makatultol
sa imong padulngan?

hangtod karon wala pa
gihapon nimo matubag
ang tigmo sa kagabhion

kon matubag mo kini
mamatay kaha ang Sphinx
sulod sa imong kasingkasing?

No comments :

Post a Comment

Lami ba?