10/31/2016

ang kalipay, ang imong pakigbisog

pagpakaisog
ayaw og atras
lantawa ang iyang
mga mata
ang iyang kamot
samtang nag-ipis siya
og bino diha sa
imong kopa
lantawa ang iyang mata
ang pultahan paingon
sa iyang kasingkasing

ayaw kahilis
pagpakaisog kay ang
kalipay usa usab ka
nataran sa away
nga kon mahimo adto
usab ikaw 
nakigbisog
nga kon mahimo pakamatyan
mo usab kini
sa adlaw inig-abot sa
iyang pagpanudya
nganong wala ka sa imong
kaugalingon

sunda ang iyang kamot
nga mihawid sa kamot
sa kopa
sunda kini sa iyang
paghaploy sa baba
hangtod nga iya kining
itunol sa iyang ngabil
hangtod nga misurop
usab ang kalami didto
sa bukog sa kalag

No comments :

Post a Comment

Lami ba?