10/19/2016

dili ko motoo nimo

ingon mo ako
nga naagian mo na
ang tulay
nga bangaw

pasaligi ako nga
nakita mo na ang
angayang makita

nga nahikap mo na
ang wala nako  mahikap
nga natumban mo na
ang wala sukad nako
natumbi

ingnon mo ako nga
ikaw nagmalipayon
dili mo masukod ang
kinutuban

wala man usab magsulirat
ang akong mga mata
sa kasubo
wala usab kaayo malukop
sa kahaw-ang ang mga
lawak sa akong kasingkasing

bisan kanus-a bisan pa gani
hangtod sa akong lubnganan
dili na gayod ako motoo pa
kanimo

No comments :

Post a Comment

Lami ba?