kon mangahulog ang mga dahon
walay sanga nga mawili o mokurog
mga dahon lang kana
inig labay sa panahon manahon na
usab ang mga sanga unya mas daghan
pa, unsay kagul-an? wala.
sama ra nga kon mangamatay sila
unsay atong kawilihan? unsay atong
kagul-an? mas daghan pa ang moabot
mas modako pa ang kabibo o kaha ang
kagubot? unsa bay angay kagul-an?
wala, wala gyod, salig lang kanako,
ako nga sukad sukad wala mawili sa
mga dahon, wala moiyak sa mga nangahulog
ug nangapalid ug nangawala ug nangalata.
unsa bay kagul-an kabahin sa kamatayon?
igo lang gipiyong nila ang ilang mga mata
ug kita nga nahibilin igo lang tiglubong
dayon mamauli kita sa atong balay
aron molantaw na usab sa bag-ong
mga putot ug mga udlot, sa mga bag-ong
miusbong. unsa bay intriga bahin niining
mga butanga? hala iyak, kay ikaw ra,
kami mangatawa, daghan mi dinhi.
mga kubalan ug palad, mga baga ug nawong.
No comments :
Post a Comment
Lami ba?