gipangita ko ang imong ngalan
aron mangutana unta ako nganong
nagbulag kita, unsa ba ang katarungan?
sa dihang nakita ko na, mobungat na
unta ako sa pangutana, apan ang
akong kasingkasing miingon,
ayaw na, ayaw na ba, ayaw na
usiki ang imong panahon, hapit
na mahuman ang imong tahas
mahulog na ang buwak sa yuta
hagkan mo na ang kataposan
ayaw na, ayaw na, gibalik balik
kini niya, dili ba malipayon na man
tang duha? wala nay pulos ang
mga katarungan, wala na, wala na.
No comments :
Post a Comment
Lami ba?