ania ang mga pagmugna
nagmugna nanumpa nga
magpabiling magmugna
manulunda, maninintal,
manulunda nga walay
magsunod sa kahayag nga
sigi nilang gipalong
maninintal diha sa pagsimang
sa dalan paingon sa walay
kaseguruan nga kalamboan
gipangutana ka pag-usab
unsa ba ang kalamboan?
naglibog ka, giusab ang
pangutana, unsa ba ang
imong kalamboan kabahin
niining pagmugna diha sa
pagmugna nga mumugna
sa mga wala pa namugna?
naglibog ka, busa ako ang
nangagho, misulay pagtugkad
sa matood, dayog gawas sa
lungag sa kangitngit, dayog
hangad sa langit ug bungat:
wala, wala gayod baya, wala
ka gayoy makuha sa pagmugna.
No comments :
Post a Comment
Lami ba?