mora sag mga tawo

 tulo ka iro

itom, puti, abohon

sa imong

balay nga siging gubat

sa imong duha ka

iring

puti sab ug itom

sa imong pagpamahaw

silang tanan

linaw nga maglantaw

sa imong hot dog, itlog

kan-on kape ug inun-on

tupad sa piniritong pirit

nga wala makaon

kagabii

nagpaabot sa imong

paghatag

nangamuyo sa ilang

tagsa tagsa ka mga

bathala

imong gipakaon tanan

inig kahuman

sa mabusog na sila

sugdan na usab nila ang

ilang gubat nga walay

kataposan

anaa ang away kawra

paghot gukod

hangtod sa kahangtoran

mora sag mga tawo.