ang bidlisiw sa adlaw
sa sayong kabuntagon
nanuot-suot
sa mga haw-ang nga
kangitngit

namugaw na
kay iya na usab ang panahon
mora naalimungawan ko
kay kining
maanad na gani ta sa kagabhion
sa iyang kabugnaw
og kahilom

mao na lang man usab
ang atong pangitaon
mas maanindot na man
hinoon
ang itom kay sa mga dalag
nga dan-ag

mas nindot na man hinoon
ang mga damgo
kaysa tinood.