talithi

ikaw na usab usa
sa tunga tunga sa lawod nga katawhan
dinhi sa dakong syudad

sa gawas
nagtalithi
bugnaw kaayo ang
hangin
og saba kaayo ang mga
sakyanan

sakit sa dunggan
ang mga nangagi
ang imong ngipon
mipaak sa imong
ngabil

sul-ob ang baga
nga jacket
migawas ka sa mall

nangandoy ka
og kusog kaayo
nga ulan
motabok ka
sa karsada

ang imong bulsa
walay sulod
ang takong sa
imong sapatos
napungig

mibaha na usab
ang luha