nagpatihulog ang langgam
lahos sa hangin
ug milihay sa humok
nga gabon
labay sa bukid nga
gibukotan sa batunaw
ug sa mga oras nga daw
mikaging sa katugnaw
ang kahoy nga pat-ak
karon higanti
na alang sa langgam
nga gikan sa langit
unta, giputlan na lang
og pako sa mga bathala
ang dili sarang
nga dulotan sa grasya
ngadto sa haw-ang,
nga giladmon sa kalibutan
way trompetang miugong...
ang pak-an nga bathala
nga gihikawan sa gugma
napukan.
