Talisalop kadto, usa ka Sabado,
didto sa Cagayan de Oro, diin
nangluspad ang ngabil sa adlaw.
Gikawras sa mga bituon
ang aping sa langit.
Giliyok-liyok ang buwan
sa panit sa kangitngit.
Ug sa dihang nilayag nako sa barko,
Nakalimot ko nga wa naman diay laba
kining akong sinina sukad gikamit ko ni
didto sa Timoga.
Ug kalit lang, nakighagwa ang mga lakrang
katawa nga namilit niining panaptona,
diri nahisayran ko nga ang kalipay
adunay alimyon, ug kini nisuksok
sa kinasuokan ning dughan.
Apan kalit lang pod gikusokuso sa kabugnaw
sa hangin ang akong paghandom.
Dayon kini gihumol sa akong paglantaw
sa nagbuwang dagat hangtod kini
giwaswasan sa uwan.
Sige lang, daghan pa man diri sa bag
akong mga sinina nga wala pa gilabhan.
katahom ba sa balak cindy, magpabiling mopilit ang baho sa kagahapon...bsan unsaon pag tangtang may lamang magpabilin kon kini dili kalipay.
ReplyDeleteang madumdoman ray magpabilin sa panumdoman karon,
ReplyDeletekay wa nay luna ang mga kagahapon, way addresss, way dapit kaulian, gawas sa panumdoman.
Kay matahom siya nga panumdoman,nangalimyon.
Kay ang kahumot, may pako mohatod kanimo ngadto sa kagahapon, sa kahumot sa gibatyag nga kasinatian karon sama sa... gahapon.
Salamat kaayo sa inyong mga komento, nalipay ko. :)
ReplyDelete