ang sili mohalang dayon
apan ang gaba

dili.

ang tubig nga walay sulod
imong gipuno
milantaw ka kon unsay buhaton
kon moawas na
ang panaksanan

ang uban gilabay ang tubig
sa nawong sa ilang gikasilagan

ang uban
milad-ok
gihigop ang miawas
gitilaan pa gani
ang nahug didto sa salog
nga morag itoy

lahi ko
wala ako mopili sa usa kanila
gipasagdan ko ang tubig
nga nausik
gilantaw ko ang salog nga nabasa
wala nako hilabti ang
baso nga walay sulod

ang baso nga nabuak
iya ra kana

gusto lang nakong masabtan
kon unsay dangatan
kon ang tanan
pasagdan lamang