11/12/2010

disir ko molakaw

gusto nako nga limpyo ang
lawak
walay labhonon nga brief
sa katre kadtong nahumod kagabii
og langto sa atong panimhot
ayaw biyai ang imong panty
nga kum-ot

gusto nako nga sinaw pa gihapon ang
mga salog
og ang banyo bag-ong gibanlasan sa
tubig

gusto nako nga ang mga lawa-lawa
wala na sa kisame
kinahanglan walay ok-ok nga
magsuroy-suroy sa kilid

kinahanglan abri ang mga bintana
aron makasulod ang kahayag
walay abog ang mga kurtina
og ang mga libro maayong pagkabutang
sa cabinet og lamesa

sa disir ko molakaw palong na ang mga suga
og sirad-an nako ang pultahan
aron walay makasulod nga si bisan kinsa
apil ka.

No comments :

Post a Comment

Lami ba?