11/06/2010

sa imong balay nga gilabat




way pulos ang mga labat
nga gitukod
kon sa kalit lamang
mausob ang imong
hunahuna og
gipasulod nimo ang
mga walay labot.

karon naunsa ka na?
ang mga pato nangiti sa imong
nataran
ang mga baboy naglibotsuroy
ang mga halas
nanago sa ilalom sa imong
mga lingkoranan
gipistahan sa mga wakwak
ang imong atay

sayop ka
aduna'y imo nga imo ra
imo ra gayod
hangtod sa imong kamatayon

diha ang butanganan sa
kasingkasing
diha ang puloy-anan sa
imong kalag

No comments :

Post a Comment

Lami ba?