panagsingki

wala musupak ang langit
sa panagsingki sa dalugdog ug kilat

wala kini manginlabot
sa dihang mitubod
ang luha sa panganod

ug misingit ang dalugdog
sa iyang tumang kalagot

dungan sa pagtigbas sa kilat
sa malang yuta

bulahan ang langit
kay dili kini mabasa

bulahan ang langit
kay kanunay kining makakita

ug bulahan ang langit
kay nahigugma niya ang yuta