Maglipay Kita
By Genamos_US of Washington DC, USA
Maglipay kita karon
Samtang may mga bitoon pa
Sa dili pa mulabay ang karon
Nga mahimong unyang kagahapon
Ang atong ugma
Tingali, mahimong puhon
Kining karon, usa kini ka gasa
Nga gihatag sa kahitas-an gitagana
Usa sab kini ka pribilihiyo
Nga kita may kinabuhi nga walay bisyo
Gitagaan kita sa kahigayonan
Sa pagbuhat sa atong gihiayonan
Nindot kini nga gihatag
Gitagaan kita og kagawasan
Sa pagpili sa atong padulngan
Aron kini atong matilawan
Maglipay Kita Karon
Kay ang adlaw moabot na
Sapag hingilin sa karon
Aron sugaton ang kagahapon
Maglipay Kita Karon
Samtang wala pa muabot ang kagahapon
Kay ang mga pahat sa panumduman
Magamit lang kini sa pagkakaron
Maglipay Kita Karon
Sama nga kini atong katapusan
Nga dili nato pag-ugmaan
Ang gilaraw natong gituhoan
Kay sa takna nga kita tawagon
Andam kita nga walay pagmahay
Lantawon ang mga buhat sa kagahapon
Aron ang karon magmalinawon
nindot ang tambag sa balak, kay karon gyod og way laing panahon alang sa tawo, kay igo ra man handomon ang kagahapon, igo ra pod planohon ang kaugmaon, ug diha sa paghandom ug pagplano, sa pagkakaron buhaton. :-) Wa gyoy laing panahon gawas sa karon, apan siya pa hinoon ang ginalabyan, ginayam-iran samtang gibalik-balikan ang kagahapon, ug gipangandoy ang ugma nga wala diha.
ReplyDeletehehehe dong Lubi, sakto gyud na imong mensahe nga dali ra kaayo kalimtan ang karon undong...ang kagahapon maoy gibalikbalikan og tan-aw bisag nilabay na.Ang ugma damlag wala ta masayod kung kini ba mahitabo...magdepende ra ba gyud kung unsa ang karon mao sab ang dalan padulnga sa ugma damlag.Ang kagahapon usa nga lamang kadto ka sugilanon sa kinabuhi sa tawo.Kung aduna tay mga dili pabor kanato sa atong kagahapon nan atong usbon gayud karon aron ang atong karon mahimong mabulokon sa ugma damlag..cheers undong.!!!
ReplyDelete