busog nga lawas.....

 sa atong pag-inom

lingaw lingaw sa kagabhion

ikaupat nga botelya sa

pale pilsen san mig beer

kuyog sa bangka nga 

estorya nga bisag asa

na lang padulong apan

sa kanunay ako lamang

gayod ang maayong 

tawo dinhing hugnaa

sa panag-ambit sa kamingaw

sa kagabhion

kon nasayod pa lang unta

kita kon unsa usab ang gibuhat

sa atong mga asawa

(wa sab ta mangutana o

naghatag og kiber)

wa pa ko mahubog apan

dunay panahon nga makatutok 

kos bongbong unya

makahinumdom kos akong

nabuhat kaniadto sulod sa

lawak bali bali ang lawas

hunahuna nga dili mahiktan

gasalimuang, dili masabot

gustong mopahawa, apan

di kamao kon asa ang lutsanan

diha sa siradong pultahan

wa ko pa gihapon kini 

matugkad ang kalisang nga

walay pulos, nga walay

igong kapasikaran, 

nagkurog ang kalag,

diha sa busog nga lawas.

duha ka tiguwang

 naghawiray ang mga kamot

diha ra kutob ang panag-abot

kon mokuot man, kuot ras limos

dala hawid sa panyo nga pyuos

magtinan-away ang mga mata

duna pa ba? maoy pangutana.

unod-himaya

 lood pamation

nga kining kasingkasing ko

mangagho-litok sa imong ngalan

gimingaw ko nimo

kiwa-palandongon nga

gihigugma ko ikaw busa

wala ko kini nabungat

sulod sa imong baba

samtang misuroy ang

akong dila diha sa

imong alingagngag

sa dihang mihangad ka

sa langit

unya ako dia sa yuta 

nakita ko ang gabok nga 

ngipon, dunay lungag

ako sab pangag, gadangag

imong gitangag-tangag

iring sungkaban

asa mo ako dalhon?

pagkamabaw ba sa 

atong unod himayang

gitago sa katawhan

hunahuna lamang

 gipangita ang

higala nga wala

mangita niya

tungang gabii

ngutngot lang

gihapon ang

kamingaw

hunahuna lang

ang nagmugna

niini, ingon ko 

ganse ka kaayo

pahiloma ang 

hunahuna nga

kasagaran 

magyamayam

ang bag-ong salag

 ang tamsi nga

pula ug dughan

ania naghimo sa

iyang bag-ong

salag kay ang

iyang salag nga

kaniadto binuhat

ug gipus-an sa

daghang itlog 

napaghang naman.

kinilaw

 gihinayhinay ako ug

pagpasabot sa akong

kapalaran

kabahin sa mga walay

hinungdan 

nga nakahatag kanako 

ug kahadlok (bisag dili

baya gayod

unta kahadlokan)

kana bang mouli ka

na unta

apan nakalimot ka 

asa

unya bisan unsaon

nimog hinumdom sa

lugar

wala gyod kay 

mahinumdoman

ang imong palibot

karon mo pa lang

gayod nakita (bisag

dili baya gayod unta)

naa kay natagboan

abi mog nakaila ka

apan wala (nga unta 

naa ka may nakita sa

iyang aping 

sa katas-on sa iyang 

buhok)

nalisang ka sa 

panghitabo, apan dili

ka kadagan

nagpaabot ka apan

walay paaboton

misulod ka sa usa

ka balay nga walay

tawo

unya ang dakong hawan

madungog mo ang

bakho ( apan dili kadto

bakho

hangin lamang kadto

nga galibot libot

sa piot nga bentana

sa  salog nga sinaw

sa buslot nga atop 

nga gilutsan sa kahayag

nga naghimo ug usa

ka mapa

diha sa nag-inosarang

linkoranan

(unsa ba ang ngalan

sa maong isla? bisag

unsaon dili mo 

mahinumduman) ah,

makalisang, makahadlok

ang matag-adlaw

unya sa imong kakapoy

imong gikilaw.

salimuang

 sa usa ka 

salimuang

bisag unsa

na lang

bisag asa

bisan kinsa

bahalag

kanus-a

human niini

mohalok ka

sa yuta

morag tiki

matag hapon.

kamatooran

 tibuok na usab

ang bulan

tambok ang mga

kasag ugma

magkuha ug butong

si papa

tanglag, 

domingo ugma

lamian ang iyang

baang

hagbay ra siyang

mipanaw apan ang

kahumot sa iyang baang

ug kalamian sa 

kasag

nagpabalik niya diri

kanato

balay nga  karaan

nga hagbay ra usab

nga naharag

sa gisaad mo nga

para kanamo

mga kasag.

panaw

 paaboton mo pa ba

ang baston, ang sulugoon

nga mopatindog nimo

ug magpalingkod nimo.

sugdi na ang panaw

nga ikaw lang usa unya

ayaw na hunahunaa ang

pagbalik.

mas nindot nga moabot 

ka didto, unya dili ka pa

tigulang.

sugaton ka sa mga bata

nga nagdulag mga panganod

mga babayeng kamaong

mosulti sa mga alibangbang

sa mga lalaki nga moabi-abi

kanimo sa gihandom mo nga

hagdan.

pasalamat sa mga dili tinood

 tumang kalipay ang pagmata

gikan sa usa ka damag,  nahitabo

nga giduslak na ang sundang sa

imong dughan, nakamata ka,

abi nimog patay ka na, buhi ka.

nagpasalamat ka sa usa ka damag.

nagpasalamat ka sa usa ka dili tinood.

abi mog, ang kamatooran lamang ang

angay pasalamatan? dili.  pasalamati

usab ang mga dili tinood, kay kon dili,

hagbay ka na unta nga gihaya diha

sa imong balay, patay ka nga nagbuy-od

sa imong higdaanan, wala ang sundang,

walay samad, walay dugo, wala ka.

sa umaabot nga kabugnaw

 gilantaw ko ikaw

nga natulog sa sofa

sa atong balay

dapit sa sala 

gigakos mo ang

imong kaugalingon

gusto ko unta nga

tabangan ko ikaw

sa imong kamingaw

apan wala ko na kini

buhata

sakto na ang tanan

mogikan na usab ako

pasagdan ko ang

pag-abot sa bulan

karong gabhiona

ug unta ang iyang

kahayag ug kainit

igo na kanimo sa

umaabot nga  kabugnaw

balak sa kaugalingon

 pangitaon ta ang

atong kaugalingon nga

lig-on

ngipon nga dili matarog

bukog nga dili mapiang

panit nga dili samdan

nawong nga malipayon

pangitaon ta ang kaugalingon

nga lig-on, haligi, tugas, yakal,

balak alang sa hingtungdan

 ag didto tas shanghai

bisag layo pa ang atong

flight paulig Dipolog

gakarag karag jud tag

adto sa airport alas sais

pas buntag bisag ang

eroplano balik manila

alas onse pas gabii kay

lagi gimingaw na gyod

ta balik sa atong lungsod.

karon ania na kita dinhi

naay garden, naay nindot

nga pantawan lantaw sa

dagat, naay lamiang 

pagkaon sa kusina, naay

duha ka katabang, naay

nindot nga higdaanan,

humok nga alugnan,

bugnaw pang aircon.

apan ngano kaha nga

moipsot pa man gyod kag

lakaw mangitag silingan?

ah,di pa gyod ka motagam

mga amigang way langan

libakera, mabudhion, tabian.

kinamot

 nagkinamot sya

hakop sa puting kan-on

pagkalamian

pagsalo sa paghigop sa sabaw sa usa ka yahong

 mao kini ang

atong gisalohan

usa ka yahong

puno sa sabaw nga

init init pa

sulod sa atong

lawak 

sa atong higdaanan

salohan ta

ang usa ka yahong

nga puno sa sabaw nga

init init pa gihapon

ipasok

 bata pa ang kagabhion

si baby

naa sa atong tunga

nakatulog na ang bata

unsay sunod sa tunga?

ang gabi

 kalit nga 

naabri ang pultahan

gidali dali

ug huslot

gi....

 tunok sa bangus

sa tutunlan nagbabag

kawras sa iring

haiku dos

 juice ko juicy lord

tabangi intawon ko

hubag akong egg

haiku 1

 butangi buta

hikapa hikapa pa

budlot nga mata

alang kang E.

 ang nabuntagan

nagmatag buntag

nahuman na ang 

tanan, unya

morag wala lang.

buntag na

 nianang buntag

miawit  ang mga langgam
ug ang mga dahon sa sanga
naghunghong 

 
natulog pa ang iro
ang rosas namutot pa usab
ang gabon hinay nga nagakamang
layo sa dalan

ning bukid
layo sa syudad

tingali maghunahuna ka 
nga ang usa ka tawo naa sa kasubo

wala naanad sa
kahilom
nga mitubo sama sa usa ka minasa

aron hulmahon nga
 tinapay nga
imong gipabuhi sa imong palad

samtang ang sugnod sa

kusina nagpadilaab sa kalayo sa kusina

naghatag ug kainit sa lawak

ang kangitngit nagsugod sa pagkalaya
ingon sa pagsugod sa pagbuswak sa potot sa rosas

ingon sa adlaw nga hinay nga miipsot 
gikan sa kapanganuran

ug pagkahuman nabag-o ang tanan
sa usa ka adlaw nga pagbukhad ....

sa mga mata sa bata

 kitang tanan gusto nga

makakita

sa kalibutan nga  ang gigamit mao ang mga mata sa bata.

ang kalibutan dako kaayo.
dako kaayo ang lingkuranan.
luag kaayo ang balay.
daghang bintana.

ang mga mata sa bata nagtutok ra
sa dulaan nga iyang gihigugma.

wala’y kabalaka kung mapalingkod kami sa lingkuranan.

o ang balay makahatag kanamo og kapasilongan

o ang mga bintana ablihan o sirhan.

ang mga mata sa bata
naa ra mga dulaan

karong orasaha

nagmingaw ka

wala na ang mga bata

ug ang ilang mga 

mata

wala milambo

 ang imong pag-atiman

wala nagpatubo kanako

nakapahuyang kini kanako.

wala ko naglibog. Nakasabot ko.

gusto ko usab kini, ug gusto mo usab kini.

aron mahimong kusgan ug utokan.
kini ang gusto nato apan dili nato masulti.

parehas ta og gusto
ang kagawasan.

tabanog

 misayaw

ka dayon gipiyong

imong mata

nawala ka sa

imong kaugalingon

naputol ang hikot

sa imong kalag

sa imong lawas

mora kag

tabanog

nahimong banog.

pangumusta

 kumustang

sip-on nimo?

asgad pa ba

gihapon?

lasaw pa ba?

tinipigan nga pahiyom

 dili gyud kami kapuyon

sa pagsulat kabahin sa kaanyag

mga punoan sa mahogany daplin sa dalan
pipila ka gabon nga mitupad sa bungtod
ug namulak nga mga calla lily sa tiilan sa

karsada
ang mga nagkadaiyang bulok sa kabalayan 

ug
ang cafehaus diin kami
mihapit kadali alang sa pamahaw:

 kape ug
init nga pan ug
mga homemade sausages

nagsulti kami ug naglup-it sa mga
hilom nga mga gutlo

ug nagtinan-away kami
pag-ila
ang paglabay sa Diyos taliwala
among mga 

tinipigan nga pahiyom.

magtiayon

 nindot nga litrato

gi-post sa Facebook
kaming duha
misandig ang imong ulo sa
akong abaga
ug parehas mi nag ngisi
sa camera

ang mga komento gisulat
bagay nga magtiayon,
hingpit nga kalipay,
matahum nga paris
sulundon nga panaghiusa ug

panaghigugmaay

sa kwarto
diin kami dungan nga matulog
dili gyud kami magsugog sa kasamok

bahin sa litrato
bahin sa among

diskarte

pasagdan namo sila nga naghunahuna
sa tinuud

nga kining pagkamagtiayon

 matahum.

adlaw-adlaw

 adlaw-adlaw mao ang

usa ka buluhaton.
pagmata gikan sa pagkatulog
maligo ka
pag-ahit, pag-ilis
pamahaw,
kuhaa ang awto
pagbiyahe
moabut sa opisina
unya pagtrabaho ug pagtrabaho
ug trabaho

breaktime: kape
biskwit, ug
balak ug sneak ka
sa imong sikreto
o pribado nga blog
nagsulti ka ug nagsulat didto
wala’y hunong

kini usa ka paagi sa pagkonektar
balik sa imong kaugalingon
pagpamati sa imong tunog
kaugalingon sa kaugalingon,
nagpasalig kana sa imong kaugalingon nga
wala nimo kalimti
ang imong kaugalingon sa proseso
sa pagpuyo

nabati nimo ang duha ka tawo
nagpuyo sa imong kaugalingon nga lawas
ang usa tinuud kaayo
ug hilum kaayo
ang uban pa ang nag-impluwensya niini
nagsulti nga kini ang paagi
unsaon pagkinabuhi
pagsul-ob sa usa ka reyalidad sa mga pulong
pintura kini sa ubang mga pulong
ipakita kini
dili sama sa uban ug makatarunganon
bahala na didto
aron sila makakita ug makaingon
usa ka butang
ug wala ka manumbaling
kay hilom ang uban
mas nakahibalo ang kaugalingon

wala madawat ug
kusgan,

 dili mabuntog ug
nahibal-an sa tanan

panaad

 mahimo nimong isulti

aguy, kini ang usa ka masulub-on nga kinabuhi

dili nimo makuha ang gusto nimo

apan mahimong bag-ohon

mo kini aron ka magmalipayon

pinaagi sa pagsulti
kini ang mas maayo, dili ko gusto kadto.

kung dili nimo gusto ang nakita mo karon sa

imong bentana

ibalhin ang bentana

sa laing lugar nga makita mo

ang mas maanindot

pangitaa ang mas labaw pa

kaysa karon

ang mas lamian pa

kaysa anaa diha

kanimo

itaktak mo ang abog

sa imong tiil

sulod sa bag-ong panimalay

didto sa samin

ingnon nimo ang imong kaugalingon

nindot ang kinabuhi

lami ang kalibotan

ania na ako dinhi

ug magmalipayon

gayod ako sa matag

adlaw sa akong kinabuhi

magmata

 KON  gipalong na ang suga

tungod kay lalom na ang kagabhion

angayan lang kana.

APAN kon gipalong ang suga

padulong pa ang kahaponon unya

daghan pang buluhatong, sama

sa paglung-ag sa panihapon o pagprito sa

pirit o pagdukdok sa ajos alang

sa inun-onan, 

makalagot ka na, 

LABI na kon magtoon ka pa sa imong

leksyon, unya ang suga hinoon gipalong

makig-away ka gayod niana.

Gipalong ang suga ni Nanay

tungod kay nagpahipi na ang kahayag

nga gitangag sa kaadlawon.

Magmata na kita sa atong katulugon.

kubalan

 sakit palandungon

nga ania na kanako ang

tanan

ikaw lang ang kulang.

wala ka

wala usab kanako ang tanan.

ana na gyod

ang kinabuhi, ana na gyod ang gugma

ania na kanako ang tanan

apan wala ka.

kini ang akong kagawasan

ang pagdawat na lamang sa akong

tinipigang kapakyasan

wala kanimo ang tanan

unta ako na lamang.

ania kanako ang tanan:

bahandi, lawas, kaambongan,

barog, palad, apan wala ka.

gidawat ko na kini

bisan naa ka pa sa akong kiliran.

bisan pa sa paghatag mo 

sa imong lawas diri kanako

apan wala ka gihapon

kanako.

anaa ako kanimo

apan wala ako.

kapalaran, balikwaot.

palad, kubalan.

unrequitted

 siplat siplat

lang

kutob ra diha

mao kitang 

duha

ko lang

ang nahigugma.

ikaw, wala.

gugmang walay kamatayon

 nabugnaw na ko

gani nahilis 

sa pagpaabot nimo

tubig akong misunop

sa abono nga yuta

gipugas mo ako sa

akong kasakit 

mopatim-aw ako ug

balik isip binhi nga

motubo modako

mahimong bag-ong

tanom sa hardin sa

gugmang walay kamatayon

sa akong kaugalingon

 nabugnaw na tagad ang kape

nga kaganina lamang haskang inita

gaaso aso padung sa langit

gisabot ko ikaw, pulong ka lamang,

ako ang unod, layo sa imong pulong.

sabton ko ikaw, unos sa akong kinabuhi

magpabilin ako nga bato sa baybayon.

naughan na ang basa nga sanina

sa daplin sa dagat sa usa ka naligo

nag-inosara sa tumang pagpaabot.

dili bale na, initin mo usab ang kape

labhan mo ang nabasa, ihayhay pag-usab

ug inig kauga, usa na usab ka limpyo

nga sapot, human mog plantsa niini.

di bale na, makamao akong molimpyo

sa mga bulingon, makamao akong 

magtimpla ug init nga kape sa gihapon

sa akong pinalanggang kaugalingon.

pagkalinaw sa dagat, pagkalinaw sa

akong kagabhion, pagkalandag sa bulan,

pagkainit sa akong kape, pagkahumot sa

akong sapot, makamao pa gihapon ako

nga malipay sa akong kaugalingon.

gugma?

 asa ba nagsugod ang

sugilanon sa akong gugma?

unsay bay ikasulti nimo

sa batan-ong babaye nga

namatay? kadtong maanyag

ug maalamon.

unsa bay ikasulti nimo ni

ramon? kadtong naghubog

nagpabaya na sa iyang

kaugalingon human gipakyas

ang iyang gugma?

asa ba kaha usab nagsugod

ang sugilanon sa akong gugma?

pamatia ang akong dughan

idapion ang dunggan sa kamot

mong balaan

ahh, wala diha. Idapion ang imong

kamot sa akong pus-on

paubos pa, paubos pa, hikapa

diha, diha, diha nagsugod ang

tanang sugilanon sa gugma

pagkahuman nagsalimuang sila

nagpataka na lang dayon ug

estorya.

sa pus-on gasugod, kadtong kaihion

ka, imo lang gibutangan ug drama

gipalabian mo pa, nahinaykan na,

busa nakalimtan mo na, ang sinugdanan

kay dito ka na lang gapuyo sa kataposan,

balik sa pus-on, baliki ang sa ubos pa,

dapit sa tunga, ang kainit ug ang kalinaw,

ang kahumot ug ang kamatooran,

sutaa, sutaa gayod pag-ayo, kainit lang

kini sa lawas, hilanat, takig, salimuang,

kon mawala na, anaa ang kalinaw, lamat

lamang, salamat lang, pus-on ra ang

hinungdan, ang maong sinugdanan, 

wad-a ang drama, mawa na ang kasakit,

bunga lang lagi kana sa kainit.

pak-an

 walay sulod ang

iyang dughan

busa gihambin niya

ang tumang kahaw-ang

wala kay madungog

sa pitik sa iyang kasingkasing

kay asa? gitagoan niya didto

sa kalibonan

ang iyang kasingkasing

nga pak-an

valentine note 1

 naulahi ka man

sa adlaw sa gugma

daghang nagpaabot

nahuman na ko

mao pay imong pag-abot

wala ka mituman sa 

sabot

nahuman na ko,

pasensya

ikaw diay, wala pa

ba?

pamahala

 dunay mga butang

nga dili na ipanugilon

ang destinasyon mao

ang lubnganan sa kamatayon

ang mga peste ug yawa

makamao sang mamahala

bugtong nga love letter

 ang akong bugtong  nga love letter

nimo kaniadto gipasapasa

nimo sa imong mga amiga

nagpadala kag valentine card

gilukip ang imong sulat nga

wala na gani nako nabasa

unya sa akong kabalasubas

wa sad ko kabalos wa sad

ko nangambat 

busa ayaw pagbasol nga

wala ta magdayon

bisag sa una pa

mas gimahal ko gayod ang

akong kaugalingon

wala koy gibasolan

ako ra sab ang hinungdan

giulod

 tagsa tagsag dala 

sa kasingkasing

sahay makalimot

nga it is meant for sharing

ang nasakitan manglood

mga kasingkasing giulod.

asa kaha puniton ang akong ngalan?

 unta atua ra ako sa akong isla

mamutong nga ako ra usa unya

sa iyang dagat magligoligo nga

ako ra sang usa, pagkamalipayon

ko na unta, apan unsaon dili ko 

gayod kini mahimo, 

kay kon maghimo akog dalugdog

nga ako lang unya walay nakadungog

wala baya ang maong dalugdog

kon sa tubig ko usab isulat ang tanan

unsa ba god pod uroy ang kapuslanan

ugma damlag, asa mo kaha puniton ang

akong ngalan?

hagit

 ang katol nga anaa sa imong 

likod nga dili mo maabot sa imong kamot

ang tungaw sa imong itlog nga durong

tago sa imong kunot

ang lamok nga anaa namaak sa imong aping

mihagit kanimo

wa god ka kalihok dayon, maong anaa

mibuhakhak ug pangatawa

matud pa sa tag-iya sa bahandi

 gitagaan ka man god ug daghan

unya sa makadaghan pa gayod

apan unsa ba ang imong gihimo

gibulsa mo ang tanan, gitipigan

karon, ang naglantaw kanimo 

nagpanglingolingo

nakahukom nga gikan karon dili

ka na gayod pagahatagan

matod pa niya, ang gitagaan manghatag

ug ang manghatag pagatagaan pag-usab.

alang sa mga aslom

 na pasayloa

ang buta ug ang bungol

apil na ang amang

valentino mo nga wala

nay nakita, wala nay 

nadungog ug wala na usay

ikasulti

kabahin natong duha

naa ba goy rosas nga

dili madugta?

ang mga chocolate

iya rag kalata

sa kainit sa panahon

unsa pa bay buhaton?

pamalihog

 nindot baya usab

ang mga sunflowers

nga atong

gidungan pagtanom

sa kilid sa atong labat

dagko ug mga bulak

gahatag kanato ug kalipay

sa akong paglakaw

palayo sa atong balay

aduna akoy ipamalihog

ipakaon sa atong mga

anak ang mga binhi

palihog minahal ko

ayaw na kini ipugas balik

sa abono mo nga yuta.

balak 106

 dupong ako nga

napaakan sa bitin

palayo sa sagabal

nangitag  tambal

nakaubo ko

mitutho ko

sa akong hilo

mas lala pa ni

kaysa sa imo.

balak 105

 gipangita ko ang imong ngalan

aron mangutana unta ako nganong

nagbulag kita, unsa ba ang katarungan?

sa dihang nakita ko na, mobungat na

unta ako sa pangutana, apan ang 

akong kasingkasing miingon, 

ayaw na, ayaw na ba,  ayaw na

usiki ang imong panahon, hapit

na mahuman ang imong tahas 

mahulog na ang buwak sa yuta

hagkan mo na ang kataposan

ayaw na, ayaw na, gibalik balik

kini niya, dili ba malipayon na man

tang duha? wala nay pulos ang

mga katarungan, wala na, wala na.

balak 104

 giadto ko ang ilang lugar

bibo, bibo gayod

namulak ang ilang nataran

apil na ang mga alibangbang

kadyot ra ang akong paghunong

dalikyat lang sa paglantaw

wala na ang pagbati ko kaniadto

wala na ang kahingawang

wa ko damha mas malipayon ako

sa akong pag-inosara

mamulak sab ang akong hardin

apan dili na nila kini makita

sirado na ang akong balay

nagduka na ang mga bentana

bisan gani ang akong pinanggang

iro dili naman makasulod sa pultahan

nga bulawan, sa kusina nga nag-aso

sa dapog nga gakayo,  sa lamesa

nga puno sa pagkaon nga daghang

ilimnon, unya ako ania, hubog 

sa kalipay, unya matulog na aron

sa damgo manikaysikay.

balak 103

 misimang na ako sa dalan

lahi na ang akong pagaabtan

magpalayo na ako kaninyo

lahi ang akong tingog

sa unahan bisan gani ako

dili na makaila kanako

ang akong taghoy moingon

dili ako kini, lahi na kaayo

ang akong kaila kaniadto

dili na mangambat

mahimong mangambat ko

apan para unsa pa man?

ilaron lang sa taghoy

 kiwa sab

ang kagawasan

dili tukma ang

anino sa lawas

balayan sa umang

balhiboon ug kamot

ang nagpuyo didto

ilaron lang sa taghoy

balak 102

 mas ganahan ko diri

ako  lang

nagpamati sa akong

kaugalingong tingog

hangtod karon

hadlok lang gihapon nga

madunggan sa

uban

hubo ako dinhi

unya naglantaw mo

dinhing dapita

gawasnon ko

unta makita ninyo ang

tinood

dinhi sa kawanangan sa

bakak

ipasutoy ang bag-ong

balak

ikaw kaha?

 ganiha

samtang ngitngit pa

naglakaw ko nga ako

lang usa

dunay misantop sa akong

hunahuna: unsa kaha no

kon masakpan ko siya nga

nagbudhi kanako?

unsa kaha ang akong buhaton?

mopatay kaha ako?

motalaw kaha ako sa

pagsilot sa mga maluibon

gamit ang akong 

mga kamot? ang pinuti kong

walay gamit sa iyang kahait?

sa pusil nga sakto sa lana

ug trapo nga akong

gipangga diha sa akong

uluhan sa akong 

higdaanan?

lahi ang akong nahunahunaan

dili na nako malimtan.

ikaw kaha?