kinabuhing pakisayod sa usag-usa

aron mahibaw-an mo
ang tanan
pakigsulti, kon mahimo
pakigdulog, kon mahimo
pa gayod, pakigpuyo
sa pipila ka adlaw, ug
kon mahimo pa gayod
sa pipila ka katuigan,
dayon ingna ko kon
nahibaw-an mo na ba
ang tawo, kon natugkad
mo na ba ang iyang mga
pagbati,

hapit na matapos ang
among mga adlaw,
wala pa gihapon kami
saktong nahibaw-an

mora pa gihapon kamig
mga bitoon nga
nagkapakapa sa
dakong hawan nga
gialkitrang kawanangan.