sa pagbatbat sa mga dayag

ang dayag dili
diay
isugilon nan

tan-awa sa
dihang gibatbat
ko ang mga dayag

kon molabay ko
sa inyo
gipalong mo ang suga
ug gisirad-an mo ang
pultahan ug
bintana

sa dihang naglingkod
ko tupad sa kahoy
pati gani ang mga
putot wa midayon
pagbukhad

pati ang kalanggaman
inig abot nako
manglupad dayon
palayo kanako

bisan ganig mipakita
na ang adlaw
unsang hitaboa nga
kalit mang
miulan hinoon