2013/10/23

epal

Kon imo siyang patulan
dako ang iyang kalipay.
kon imo siyang ingnon nga
pesteng yawa, mahimo
siyang anghel sa langit.
kon imo siyang atbangan,
mahimo siyang dakong sunog
ug ang tanang tawo magsangpit
sa iyang kalayo ug siya mokatawa
ug duro nga morag
lasang nga gadilaab.
gusto niyang litukon ang
iyang ngalan sa makadaghan.
kon imo siyang biyaan,
unya hikalimtan, unya himoon
siyang wala lang,
nan, masumpa ang tanan.
mahimo siyang abog sa
imong tiilan nga bisag
unsaon niyang kamang
paingon sa imong bilahan
di gyod siya kadandan.

No comments :

Post a Comment

Nindot ba? Unsay imong maikasulti?

Panginhas dire