ang gikalibgan ko sa akong kaugalingon

matag buntag
isugid mo kanako ang imong mga damgo
nga gusto nimong
kanunay nakong paminawon

ug tuod man gipamati ko ikaw
unya pagkahuman
pangutan-on mo ako kabahin usab
sa akong mga damgo

nahilom ko
ug ako kang giingnan nga ang akong mga
damgo
kasagaran ako namang malimtan

namakak ako kanimo
adunay mga damgo nga maot kaayo
nga bisan ug isulti dili gayod angayan
bahin kini kanimo

ingon sila
aron dili mahimong tinood
kinahanglan nga kini ipanugilon


Mao kining bahina ang
gikalibgan ko sa akong kaugalingon