2/08/2015

gabii gikamang ko
sa kamingaw
pagkabugnaw sa iyang
mga kamot
nga mihaploy sa akong buhok
ug tingkoy
mikurog ko

apan bisan pa niini
miabri ang akong mga bukton
samas mga pako sa
alibangbang

gihakop nako ang lawas sa
kamingaw
samas buwak sa ilang-ilang

pagkahuman
tapot sa akong dughan ang
kahumot sa kamingaw
og hangtod sa buntag
ako nangalimyon

No comments :

Post a Comment

Lami ba?