2015/02/25

sa pagpangita ug kalinaw
daghang kang antoson
sama sa naandang pagkulata nila nimo
dili ka lang gayod moreklamo
sa dihang gipatay ang imong igsoon
iampo lang kuno nimo gihapon
sa dihang gisunog ang imong balay
mibalhin kas pikas tulay
sa dihang gibalikan kag sukna
tubag mo, "pasayloa ko bay"
bisag siya ang sad-an
ikaw ang midagan

morag dili naman seguro ni
sakto bay
morag kinahanglan na man
segurong bairon
ang sundang ni Tatay?

Panginhas dire